କୋକସରା,୨୦।୫: "ଅପରେସନ ସିନ୍ଦୁର" ରେ ଭାରତୀୟ ସେନାର ପରାକ୍ରମକୁ ସମ୍ମାନ ଜଣାଇ କଳାହାଣ୍ଡି ଜିଲ୍ଲା କୋକସରା ବ୍ଲକ ମୋଟେର ଠାରୁ ଆମପାଣି ପର୍ଯ୍ୟନ୍ତ ବାଇକ୍ ରାଲି ତ୍ରିରଙ୍ଗା ଶୋଭାଯାତ୍ରା ଅନୁଷ୍ଠିତ ହୋଇଯାଇଛି । ମୋଟେରର ମୋଟ୍ରାଣି ମନ୍ଦିରରେ ପୂଜାର୍ଚ୍ଚନା ପରେ ଧର୍ମଗଡ଼ ବିଧାୟକ ସୁଧୀର ରଞ୍ଜନ ପାଟ୍ଟଯୋଶୀଙ୍କ ନେତୃତ୍ୱରେ ଶତାଧିକ ବିଜେପି କର୍ମକର୍ତ୍ତା ଏହି ଶୋଭାଯାତ୍ରାରେ ବାହାରିଥିଲେ ।
ମୋଟେର, କୋକସରା, କାଉଡୋଳା, ଲଡୁଗାଁ,ମହାଜନଗୁଡା ଓ ଆମପାଣିରେ ପହଞ୍ଚି ପ୍ରଥପ୍ରାନ୍ତରେ ଜନସଭା କରିଥିଲେ । ଏହି ସଭାରେ ତ୍ରିରଙ୍ଗା ଯାତ୍ରାର ଉଦ୍ଦେଶ୍ୟ ଓ ଅପରେସନ ସିନ୍ଦୁରରେ ଭାରତୀୟ ଯବାନଙ୍କ ପରାକାଷ୍ଠାକୁ ସୁଦୃଢ କରିବାକୁ ଦେଶବାସୀ ଆଗେଇ ଆସିବାକୁ ଆହ୍ବାନ ଦେଇଥିଲେ ଧର୍ମଗଡ଼ ବିଧାୟକ ସୁଧୀର ରଞ୍ଜନ ପାଟ୍ଟଯୋଶୀ । ଏହି କାର୍ଯ୍ୟକ୍ରମରେ ମୋଟେର ମଣ୍ଡଳ ସଭାପତି ଧର୍ମବ୍ରତ ପଣ୍ଡା, କୋକସରା ମଣ୍ଡଳ ସଭାପତି ବସନ୍ତ ନାଗ, ଆମପାଣି ମଣ୍ଡଳ ସଭାପତି ମଧୁବନ ପାତ୍ର, ସମ୍ପାଦକ ତ୍ରିନାଥ ଶବର, ମନୋଜ ନାଏକ,ହିମାଂଶୁ ପଣ୍ଡା, ଜିଲ୍ଲା ପ୍ରତିନିଧି ଦୁର୍ଗା ପ୍ରଧାନୀ, ସାଂସଦ ପ୍ରତିନିଧି ପ୍ରମୋଦ ପ୍ରଧାନୀ, ରାଜୁ ପାଟ୍ଟଯୋଶୀ,ସୁଶିଲ ପାଢ଼ୀ, ତ୍ରିଲୋକ୍ୟ ବେଶ୍ରା ମହିଳା ନେତ୍ରୀ କୁନ୍ତୀ ପାଳ ସମେତ ଶତାଧିକ ବିଜେପି କର୍ମକର୍ତ୍ତା ଉପସ୍ଥିତ ରହିଥିଲେ।
